هاوپه‌یمانی نێوده‌وڵه‌تی ستایشی پێشمه‌رگه‌ له‌ شكستپێهێنانی داعش ده‌كات

وه‌ین مه‌رۆتۆ: تا ساڵی 2021 هاوپه‌یمانه‌كانمان شكستیان به‌ ده‌یان هه‌وڵی ئه‌نجامدانی كرده‌وه‌ی تیرۆرستی هێناوه‌

هێزه‌كانی پێشمه‌رگه‌ی كوردستان
هێزه‌كانی پێشمه‌رگه‌ی كوردستان

K24- هه‌ولێر:

وه‌ین مه‌رۆتۆ، گوته‌بێژی هاوپه‌یمانی نێوده‌وڵه‌تی دژ به‌ داعش رایگه‌یاند، تا ساڵی 2021 هاوپه‌یمانه‌كانمان له‌ عێراق و سووریا ده‌یان ئۆپه‌راسیۆنیان له‌ دژی داعش ئه‌نجامداوه‌ و شكستیان به‌ 63 هه‌وڵی ئه‌نجامدانی كرده‌وه‌ی تیرۆرستیش هێناوه‌.

ئه‌م گوتانه‌ی مه‌رۆتۆ له‌ تویتێكدا له‌ هه‌ژماری تایبه‌تی خۆی له‌ تۆڕی تویته‌ر هاتوون و به‌ زمانی كوردی نووسیویه‌تی: "تا ساڵی 2021، هاوكاره‌‌كانمان له‌ عێراق و سووریا 82 ئۆپه‌راسیۆنیان له‌ دژی داعش ئه‌نجامداوه‌ و توانیویانه‌ رێگری له‌ 63 تیرۆریست بكه‌ن، كه‌ له‌ هه‌وڵدابوون كرده‌وه‌ی تیرۆرستی ئه‌نجام بده‌ن"، ئه‌مه‌ش وه‌ك ئاماژه‌یه‌ك بۆ هێزه‌كانی پێشمه‌رگه‌ له‌ هه‌رێمی كوردستان و هێزه كوردییه‌كانی رۆژئاوای كوردستان.

هه‌روه‌ها گوته‌بێژی هاوپه‌یمانان داواشی له‌ هاووڵاتیان كرد: "هه‌ر كه‌س و لایه‌نێك بیانه‌وێت زانیارییه‌كانیان به‌ ئێمه‌ بگه‌یه‌نن، با له‌ڕێگه‌ی ئه‌م ژمارانه‌وه‌ په‌یوه‌ندیمان پێوه‌ بكه‌ن 454 (Iraq) +9647512451273 (Sûrî)".

H.B

تویته‌كه‌ی وه‌ین مه‌رۆتۆ، گوته‌بێژی هێزی هاوپه‌یمانان كه‌ به‌ زمانی كوردی نووسیویه‌تی
تویته‌كه‌ی وه‌ین مه‌رۆتۆ، گوته‌بێژی هێزی هاوپه‌یمانان كه‌ به‌ زمانی كوردی نووسیویه‌تی