هاوپەیمانی نێودەوڵەتی حەشارگەیەکی داعش لە چیای حەمرین بۆردومان دەکات
ژماره‌یه‌ك چه‌كداری داعش كوژران
K24 - هه‌ولێر:
هاوپەیمانی نێودەوڵەتی دژی داعش رایگەیاند، لە زنجیرە چیاکانی حەمرین چەند حەشارگەیەکی داعشیان بۆردوومان کردووە و چەند چەکدارێکی داعش کوژراون.
وەین مەرۆتۆ، گوتەبێژی هاوپەیمانی نێودەوڵەتی دژی داعش لە تویتێکدا نووسیویەتی: فڕۆکە جەنگییەکانی هێزی ئاسمانی عێراق بە هەماهەنگی لەگەڵ دەزگا هەواڵگرییەکان ئۆپەراسیۆنێکی سەرکەوتوویان لە زنجیرە چیاکانی حەمرین ئەنجامداوە.
گوتیشی: فڕۆكه‌ی (ئێف 16)ی هێزی ئاسمانیی عێراق چەند حەشارگەیەکی داعشیان وێران کردووە و ژمارەیەک چەکداری داعش کوژراون.
Recently, the Iraqi Air Force & Intelligence services worked closely together for a successful mission to #DefeatDaesh in the difficult-to-reach Hamrin mountain terrain in Diyala. Iraqi F-16 jets blasted a Daesh hideout & killed a number of terrorists inside. #StrongIraq
— OIR Spokesman Col. Wayne Marotto (@OIRSpox) April 10, 2021
د.ی
