لە ناحیەی چوارقوڕنە کەسێک لەبەردەم ماڵەکەی کوژرا

 K24- هەولێر:

بەڕێوەبەرایەتی پۆلیسی راپەڕین، کوژرانی کەسێکی لە ناحیەی چوارقوڕنە راگەیاند.

بەگوێرەی راگەیەندراوێکی پۆلیسی راپەڕین: ''لە رووداوێکی تەقەکردن کە سێک لە گەڕەکی کوردستانی ناحیەی چوارقوڕنە کوژراوە و لە شوێنی رووداوەکەش، 44 قەوانی تەقیویی کڵاشینیکۆڤ دۆزراوەتەوە''.

زانیاری لەبارەی کوژراوەکە ئاشکرا کراوە و لە راگەیەندراوەکە هاتووە: ''کەسەکەش بەناوی (ف،ص،م) لەدایکبووی ساڵی 1973 پ.م دانیشتوی چوارقوڕنە گەڕەکی کوردستان لەبەردەمی ماڵەکەی خۆیان لەلایەن چەندکەسێکەوە لەناو ئۆتۆمبیلێک تەقەی لێکراوە و شوێنەواری 18 گوللـە بەجەستەیەوە هەیە و دوای ئەنجامدانی توێکاری بۆ تەرمەکەی لە پزیشکی دادوەری دواتر ڕادەستی کەسوکاری کرایەوە.

ئاماژە بەوەشکراوە: ''بەمەبەستی دۆزینەوەی تەقەکەران و دەستگیر کردنیان، هەماهەنگی لەگەڵ بازگەکانی ئاسایشی راپەڕین کرا. تەقەکەرەکان دوای ئەوەی بە ئۆتۆمبیلی خۆیان ویستیان بە بازگەی ئاسایشی بالیسان بێ وەستان تێپەڕ ببن، تەقەیان لە بازگەکە کردووە و دواتر بە هاوکاری دوو ئۆتۆمبیلی تر رادەکەن و ئۆتۆمبیلی سەرەکی کە لە رووداوی کوشتنەکە دا بەکاریانهێناوە بەجێ دەمێنێ و  ئێستا ئەو ئۆتۆمبیلە لەلایەن بازگەی ناوبراو دەستی بەسەردا گیراوە.

لەبارەی هۆکاری رووداوەکەش، پۆلیسی راپەڕین لە راگەیەندراوەکەی نووسیویەتی: ''بەگوێرەی وتەی کەسوکاری کوژراوەکە، کێشەکە رووداوێکی کۆمەڵایەتی بووە و هەردوو لایەن خەڵکی هەولێرن، بەڵام کوژراو ماوەی چەند ساڵێکە لە چوار قوڕنە دادەنیشێت و بکوژەکانیش دانیشتوی هەولێرن و لە هەولێرەوە هاتوون بۆ کوشتنی کەسەکە.

لەماوەی کەمتر لە 10 رۆژی رابردوو، ئەوە سێیەم حاڵەتی کوشتنی بە مەبەستە لەسنوری راپەڕین تۆمار دەکرێت کە دووانیان لە شارۆچکەی چوارقوڕنە بوون.

کەسێک لە چوارقوڕنە کوژرا.#كوردستان pic.twitter.com/0rTW8VEfG7

— Harem Jaafer (@HaremJaafer) April 25, 2021