زانیاری نوێ لەبارەی رەوشی ئەو خێزانە کوردەی لە تورکیا هێرشیان کرایەسەر

K24 – هەولێر

ئومێد خۆشناو، پارێزگاری هەولێر بە کوردستان24ی راگەیاند: "دۆخی تەندروستی ئەندامانی ئەو خێزانە کوردە جێگیرە کە لە تورکیا هێرشیان کراوەتەسەر.

گوتیشی: "ئەو سێ تاوانبارەی هێرشیان کردبووە سەر ئەو خێزانە کوردە، لە مێرسین دەستگیرکراون و ئێمەش لە رێگەی کونسوڵخانەی تورکیا لە هەولێر بەدواچوون بۆ لێکۆڵینەوەکان دەکەین".

پارێزگاری هەولێر، راشیگەیاند: "ئەندامانی ئەو خێزانە کوردەی هێرشیان کراوەتەسەر گوازراونەتەوە نەخۆشخانەی حکومی پارێزگای مێرسین".

دوێنێ 13/5/2021، لە پارێزگای مێرسینی تورکیا لەلایەن چەند کەسێک هێرشکرایە سەر خێزانێکی کورد و بەشێوەیەکی نامرۆڤانە ئازاریان داون، ئەو خێزانە کوردە خەڵکی هەرێمی کوردستانن و بۆ پشووی جەژن چوونەتە تورکیا.