کازمی: لێکۆڵینەوە لە کوژرانی خۆپیشاندەران دەکەین

K24 - هەولێر

سەرۆک وەزیرانی عێراق رایدەگەیەنێت، پشتگیری لە ئازادی خۆپیشاندانی ئاشتیانە دەکەن و لێکۆڵینەوەش لە کوژرانی خۆپیشاندەران دەکەن.

لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر، مستەفا کازمى، سەرۆک وەزیرانى عێراق رایگەیاند، پشتگیری ئازادى خۆپیشاندانى ئاشتییانە لە عێراق دەکەن و فەرمانى توندیان دەرکردووە، بۆ پاراستنى خۆپیشاندەران، دان بەخۆدا گرتن و بەکارنەهێنانى چەک بەهەر هۆیەک بێت.

کازمی راشیگەیاند، لێکۆڵینەوە لەبارەى رووداوەکانى کۆتا ساتەکانى خۆپیشاندانى گۆڕەپانی تەحریر دەکەن، بۆ ئاشکراکردنى راستییەکان.

دوێنێ سێشمەممە 25/5/2021، خۆپیشاندان لە شاری بەغدا دەستیپێکردەوە، لە ئەنجامی توندوتیژی لەنێوان هێزە ئەمنییەکان و خۆپیشاندەران 2 کەس کوژران و 37 کەسیش برینداربوون، ژمارەیەکییان ئەندامی هێزە ئەمنییەکانن.