لێژنەی دارایی پەرلەمان: مووچەی پلە باڵاکان کە بە نایاسایی وەریانده‌گرت راگیرا
سەرجەم ئەو فەرمانبەرانەی بەنایاسایی دوو مووچە و سێ مووچە وەردەگرن مووچەکانیان راگیراوە
K24 - هه‌ولێر:
محەمەد ئێلخانی، بڕیاردەری لێژنەی دارایی پەرلەمانی كوردستان، رایگەیاند، سەرجەم ئەو فەرمانبەرانەی بەنایاسایی دوو مووچە و سێ مووچە وەردەگرن، مووچەکانیان راگیراوە و پێداچوونەوە بە لیستەکانیشیان بەردەوامە.
گوتیشی: مووچەی ئەو پلە باڵایانەش راگیراوە، کە بە نایاسایی مووچە وەردەگرن، لە چوارچێوەی یاسای چاکسازیش پێداچوونەوە بە لیستی خانەنشینی سەربازی، دەستیپێکردووە.
محەمەد ئێلخانی، روونیشیکردەوە، بە هەزاران کەس دوو مووچە و سێ مووچە وەردەگرن، لە چوارچێوەی یاسای چاکسازی، مووچەکانیان دەبڕن، تەنیا یەک مووچەی ئاسایی خۆیان وەردەگرن.
ک.ب
