"کشانەوەی هێزەکانی هاوپەیمانان لە عێراق دەرەنجامی گفتوگۆی ستراتیژییە"

K24 - هەولێر

راوێژکاری ئاسایشی نەتەوەیی عێراق کشانەوەی هێزێکی هاوپەیمانان بە وەڵامدەرەوەی دەرهاویشتەکانی گفتوگۆی ستراتیجی نێوان بەغدا و واشنتن ناوبرد.

لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر، قاسم ئەعرەجی راوێژکاری ئاسایشی نەتەوەیی عێراق کشانەوەی هێزێکی هاوپەیمانان بە وەڵامدەرەوەی دەرهاویشتەکانی گفتوگۆی ستراتیجی نێوان بەغدا و واشنتن ناوبرد و نووسیویەتی "ئەم هەنگاوە سەلماندنی پابەندبوونی عێراق و ئەمەریکا بە رێککەوتنەکەیان".

دوێنێ 8/8/2021، وەین مارۆتۆ، گوتەبێژی ھاوپەیمانی نێودەوڵەتی دژ بە داعش رایگەیاند "دوای کۆتاییهاتنی ئەرکەکەیان، ھێزی (ئۆ تی ئێچ)ی سەر بە ھاوپەیمانی نێودەوڵەتی دژی داعش، کشاوەتەوە و گەڕاوەتەوە بۆ بنکەی بورینگ لە کوێت".