لەناو باڵەخانەی ئەنجومەنی وەزیران کاروباری هاووڵاتییان رایی دەکرێت

K24 - هەولێر

ئەمڕۆ سێشەممە 28/9/2021، سەرۆکی دیوانی ئەنجومەنی وەزیران چاویکەوت بە زیاتر لە 100 هاووڵاتی.

د. ئومێد سەباح، سەرۆکی دیوانی ئەنجومەنی وەزیران لەناو باڵەخانەی ئەنجومەنی وەزیران، بۆ راییکردنی کارەکانی هاووڵاتییان و گوێگرتن لە داواکارییەکانیان، چاوی بە ژمارەیەک هاووڵاتی لە چین و توێژه‌ جیاوازه‌كان كه‌وت .

فه‌رمانگه‌ی میدیا و زانیاری حكومه‌تی هه‌رێمی كوردستان رایگەیاند، ئامانج لەم کارەی سەرۆکی دیوانی ئەنجومەنی وەزیران، جگە لە راییکردنی مامەڵەی هاووڵاتییان، چارەسەرکردنی گرفت و کێشەکانی فەرمانگەکانی دیکەی حکومەتی هەرێمی کوردستانە.

جێی ئاماژه‌یه‌ هەموو سێشەممەیەک هاووڵاتییان لە کاتژمێر 10 تاوەکو 12ی بەیانی، راستەوخۆ دەتوانن داواکاری و سکاڵاکانیان بگەیەنن بە ئەنجومەنی وەزیران.