كۆنتڕۆڵی كاره‌بای هه‌ولێر ئاگادارییه‌ك بڵاو ده‌كاته‌وه
چه‌ند ناوچه‌یه‌ك كاره‌بایان كه‌م ده‌بێته‌وه
K24 – هەولێر:
كۆنتڕۆڵی كاره‌بای هه‌ولێر ئاگادارییه‌كی بڵاوكردووه‌ته‌وه، تێیدا ئاماژه بۆ ئه‌وه ده‌كات كه چه‌ند ناوچه‌یه‌ك ناتوانن وه‌ك پێویست به‌شه كاره‌بای خۆیان وه‌ربگرن.
ئه‌مه ده‌قه‌كه‌یه‌تی:
ئاگادارییه‌ك له به‌ڕێوه‌به‌رایه‌تی كۆنتڕۆڵی كاره‌بای هه‌ولێره‌وه
به‌ڕێوه‌به‌رایه‌تی كۆنتڕۆڵی كاره‌بای هه‌ولێر ئاگاداری هاووڵاتیانی سنووری هه‌ریه‌ك له (سۆران، چۆمان، رواندوز، مێرگه‌سوور، خه‌لیفان، هه‌ریر و بالیسان) ده‌كاته‌وه كه بۆ ماوه‌ی 10 رۆژ ناتوانن وه‌ك پێویست به‌شه كاره‌بای خۆیان وه‌رگرن.
واته كاره‌باكه‌یان كه‌مده‌بێته‌وه، ئه‌ویش به‌هۆی گۆڕینی هێڵی 132 كه‌ی ڤی شه‌قڵاوه-چوارقوڕنه، له‌گه‌ڵ دانانی تاوه‌ری 132 كه‌ی ڤی.
راگه‌یاندنی به‌ڕێوه‌به‌رایه‌تی گشتی كاره‌بای هه‌ولێر
