سەرۆکی حکومەتی هەرێمی کوردستان لەگەڵ وەزیری دەرەوەی بەحرەین کۆدەبێتەوە
گۆڕانکاری و پەرەسەندنەکانی ناوچەکە و گرنگیی فراوانکردنی هەماهەنگیی پرسه هاوبه‌شه‌كانیان تاووتوێكرد
K24 - هەولێر
مەسرور بارزانی، سەرۆکی حکومەتی هەرێمی کوردستان، ئەمڕۆ یەکشەممە (21ی تشرینی دووه‌م/ نۆڤێمبەری 2021) لە شاری مەنامە لەگەڵ عەبدوللـەتیف ئەلزەیانی، وەزیری دەرەوەی شانشینی بەحرەین کۆبووەوە.
لە دیدارەکەدا گفتوگۆ دەربارەی دۆخی گشتیی عێراق و پەرەپێدانی پەیوەندییەکانی شانشینی بەحرەین لەگەڵ عێراق و هەرێمی کوردستان کرا.
لە تەوەرێکی دیکەی کۆبوونەوەکەدا، دوایین گۆڕانکاری و پەرەسەندنەکانی ناوچەکە و گرنگیی فراوانکردنی هاریکاری و هەماهەنگیی بۆ ئەو بابەتانەی جێی بایەخی هاوبەشن، تاووتوێ کرا.
