ئەمەریکا و عێراق تاوتوێی کشانەوەی هێزە شەڕکەرەکان دەکەن
وادەی دیارکراو بۆ کشانەوەی هێزە شەڕکەرەکانی ئەمەریکا نزیک بووەتەوە
K24 - هەولێر
سبەی شاندێکی ئەمنی عێراق و فەرماندە سەربازییەکانی ئەمەریکا لەبارەی کشانەوەی هێزە شەڕکەرەکان کۆدەبنەوە.
بەگوێرەی چەند سەرچاوەیەکی سەربازی عێراق، سبەی پێنجشەممە 9/12/2021، قاسم ئەعرەجی راوێژکاری ئاسایشی نیشتمانی و عەبدولئەمیر شەممەری، جێگری فەرماندەی ئۆپەراسیۆنە هاوبەشەکانی عێراق، لەگەڵ ژمارەیەک فەرماندەی هێزەکانی ئەمەریکا کۆدەبنەوە، بۆ گفتوگۆکردن لەبارەی کشانەوەی هێزە شەڕکەرەکانی ئەمەریکا لە عێراق.
بەگوێرەی رێککەوتنی ستراتیجی نێوان بەغدا و واشنتن، لە 31ی ئەم مانگە، هێزە شەڕکەرەکانی ئەمەریکا لە عێراق دەکشێنەوە.
