دوو تەقینەوە لە شاری بەغدا روویاندا

K24 - بەغدا

ئەمڕۆ بەیانی دوو تەقینەوە شاری بەغدا روویاندا، بە گوێرەی زانیارییە سەرەتاییەكان ژمارەیەك كەس كوژراون چەند كەسێكیش برینداربوونە.

پەیامنێری (كوردستان24) لە بەغدا رایگەیاند: "بەیانی ئەمڕۆ خۆکوژێك خۆی بە کۆمەڵێك سەربازی عێراق لە نزیك سەربازگەی تاجی لە باکووری بەغدا تەقاندەوە، كە ژمارەیەك قوربانیی لێكەوتووەتەوە".

گوتیشی: "لە لایەكی دیكەوە ئۆتۆمبێلێکی بۆمبڕێژکراو لە گەڕەکی "بەغداد جەدیدە" لە رۆژهەڵاتی بەغدا تەقیەوەو لە ئەنجامدا سێ كەس کوژران و 10 ی دیكەش بریندار بوون.