ده‌وامی قوتابخانه‌كانی ئه‌و سنووره‌ راگیرا

K24 – هه‌ولێر:

به‌هۆی بارانبارینی به‌ لێزمه‌ و مه‌ترسی دروستبوونی لافاو، ده‌وامی قوتابخانه‌كانی سنووری داره‌توو و قووشته‌په‌ راگیرا.

راگه‌یاندنی په‌روه‌رده‌ی ده‌شتی هه‌ولێر رایگه‌یاند، سبه‌ی سێشه‌ممه‌ 21-12-2021 به‌هۆی بارانی به‌خوڕ و مه‌ترسی دروستبوونی لافاو، ده‌وام له‌ قوتابخانه‌كانی سنووری داره‌توو و قوشته‌په‌ راگیرا.

په‌روه‌رده‌ی ده‌شتی هه‌ولێر راشیگه‌یاند، له‌ پێناو سه‌لامه‌تی قوتابیان و مامۆستایانی ئه‌و سنووره‌، سبه‌ی ده‌وامی قوتابخانه‌ نییه‌.