سەرۆك بارزانی پێشوازی لە باڵیۆزی ئێران لە عێراق دەکات
جەخت لە جێبەجێکردنی هەرسێ پڕەنسیپی شەراکەت و سازان و هاوسەنگی لە حوکمڕانیی عێراق کرایەوە
K24- هه‌ولێر:
رۆژی سێشەممە 21ـی کانوونی یەکەمی 2021 لە سەلاحەددین، سەرۆك مەسعود بارزانی پێشوازی لە ئیرەج مەسجدی، باڵیۆزی کۆماری ئیسلامی ئێران لە عێراق کرد.
لە دیدارەکەدا بارودۆخی سیاسی عێراق و دەرئەنجامەکانی هەڵبژاردن و هەنگاوەکانی لەیەکترنزیکبوونەوی لایەنە عێراقییەکان تاوتوێ کرا.
هەر لەو کۆبوونەوەیەدا جەخت لە جێبەجێکردنی هەرسێ پڕەنسیپی شەراکەت و سازان و هاوسەنگی لە حوکمڕانیی عێراق کرایەوە، ئەویش لە پێناو بەدیهێنانی سەقامگیری و بووژاندنەوە و راستەڕێبوونی پڕۆسەی سیاسی عێراق.
پەیوەندییەکانی نێوان هەرێمی کوردستان و کۆماری ئیسلامی ئێران و پەرەپێدانی پەیوەندییەکان لە بواری ئابووری، بازرگانی و کولتووری تەوەرێكی دیكه‌ی ئەو کۆبوونەوەیە بوون.
