هاتووچۆی هه‌ولێر: ژماره‌یه‌ك شه‌قامی گشتی داده‌خرێن

K24 – هەولێر:

به‌ڕێوه‌به‌رایه‌تی هاتووچۆی هه‌ولێر ئاگادارییه‌كی بۆ شۆفێران بڵاو كرده‌وه‌، تێیدا داخستنی ژماره‌یه‌ك شه‌قامی گشتی راگه‌یاند.

ئه‌مه‌ ده‌قه‌كه‌یه‌تی:

سەرجەم شوفێران وهاووڵاتیانی بەڕێزی شاری هەولێری ئاگاداردەکەینەوە، بەهۆی ئەگەری دروستبوونی قەرەباڵغی و کۆبوونەوەی خەڵک لە هەندێک شەقام و شوێنەگشتیەکان بەبۆنەی سەری ساڵی تازە، لەکاتژمێر 7ـی ئێوارەی ئەمڕۆ، تاوه‌كو درەنگانی شەو چەند شەقامێک بە تەواوی بە رووی شوفێراندا دادەخرێن، هاتووچۆکردن تێدا تەنیا بەپیادە دەبێت، بەو شێوەیە خوارەوە:

1/چواڕیانی ئیسکان لەسەر شەقامی 60مەتریەوە تاکو باخچەی بروسک.

2/چواڕیانی گەل بەرەو ناو بازاڕ.

3/  چواڕیانی میدیا بەرەو ناوبازاڕ.

4/چواڕیانی پارێزگا بەرەو ناو بازاڕ

5/کۆتایی شەقامی حەمرا.

6/شەقامی 100مەتری، ئەو بەشەی بەپێش فاملی مۆڵدا تێده‌په‌ڕێت بۆ رێگای شەقڵاوە تەنیا یەکساید دەگیرێت، واته‌ سایدی چوونە بۆ رێگای شەقڵاوە و سایدی هاتن بۆلای ڕێگای کۆیە کراوە دەبێت).

تێبینی/هیچ ئاهەنگێکی فەرمی ناکرێت بەبۆنەی سەری ساڵی تازە، بەڵام ئەم ئامادەکاریانە بۆ ئەگەری کۆبونەوەی خەڵکە.

ساڵی تازەتان پیرۆز و بە هیوای سەلامەتی بۆهەموو لایەک

به‌ڕێوه‌به‌رایه‌تی هاتووچۆی هه‌ولێر

2021/12/31