ڤیدیۆ.. کەوتنە خوارەوەی بەردێکی گەورە کارەساتی نایەوە

"بەهۆی رووداوەکەوە 3 ژن و 4 پیاو گیانیان لەدەستداوە"

کەوتنە خوارەوەی بەردێکی گەورە لە بەڕازیل
کەوتنە خوارەوەی بەردێکی گەورە لە بەڕازیل

K24 - هەولێر:

بەردێکی زەبەلاح لە ویلایەتی "Minas Gerais" لە بەڕازیل دەکەوێت بەسەر چەند بەلەمێکی گەشتیاریدا و لە ئەنجامدا، 7 کەس بوونە قوربانی و زیاتر لە 30 کەسیش بریندار بوون.

گرتە ڤیدیۆی رووداوەکە کە لەلایەن سەرنشینی بەلەمێکی گەشتیاریەوە گیراوە، لە میدیاکانی بەڕازیل بڵاوکراوەتەوە و دەنگدانەوەی زۆری بەدوای خۆیدا هێنا.

پێدرۆ ئایهارا، گوتەبێژی بەڕێوەبەرایەتی بەرگری شارستنی گوتی: "بەهۆی رووداوەکەوە 3 ژن و 4 پیاو گیانیان لەدەستداوە و زیاتر لە 30 بریندار راستەوخۆ لە شوێنی رووداوەکە چارەسەریان بۆ کراوە و 9 کەسیش کە برینەکانیان سەخت بوون گەیەندراونەتە  نەخۆشخانە".

بەلەمە گەشتیاریەکان لە دەربەندی "لاگۆ دی فورناس" سووڕاونەتەوە و وەک لە گرتە ڤیدیۆکەدا دەردەکەوێت، پارچەیەک بەردی زەبەلاح بەسەر چوار بەلەمدا دەکەوێت و دوو لە بەلەمەکان نوقم دەبن.

H.H