زانیاری نوێ له‌باره‌ی هێرشه‌كانی توركیا بۆ سه‌ر چیای شنگال

دوو ئۆتۆمبێل و سێ بنكه‌ كراونه‌ته‌ ئامانج.. له‌ناو كوژراوه‌كاندا به‌رپرسێكی په‌كه‌كه‌ هه‌یه‌

سه‌نته‌ری قه‌زای شنگال
سه‌نته‌ری قه‌زای شنگال

K24- هه‌ولێر:

په‌یامنێری كوردستان24 له‌ شنگال رایگه‌یاند، له‌ هێرشه‌ ئاسمانییه‌كانی توركیا بۆ سه‌ر پێگه‌كانی په‌كه‌كه‌ له‌ ناوچه‌ی باب شلۆ له‌ چیای شنگال، 2 چه‌كداری په‌كه‌كه‌ كوژراون.

له‌لایه‌كی دیكه‌وه‌ دژه‌تیرۆری كوردستان رایگه‌یاند، کەمێك به‌ر له‌ ئێستا فڕۆکەی بێفڕۆکەوانی سوپای تورکیا دوو ئۆتۆمبێلی چەکدارانی پەکەکە و سێ بنكه‌ و بارەگا ئەو چەکدارانەی له‌ چیای شنگال کردە ئامانج.

بە گوێرەی زانیارییەکانی په‌یجی دژه‌تیرۆری كوردستان، بۆردومانەکان بووەتە هۆی کوژران و برینداربوونی ژمارەیەك چەکداری پەکەکە، کە لەنێو کوژراوەکاندا بەرپرسێکی سەربازی هەیە بە ناوی (عەلی شێر).

H.B