5 کەس بەتۆمەتی دەستکاریکردنی پێوەری زیرەك دەستگیرکران

K24 - هه‌ولێر:

قائیمقامییەتی قەزای ناوەندی هەولێر له‌ راگه‌یندراوێكدا ئاشكرای كرد، دوای کۆکردنەوەی زانیاری له‌سه‌ر ئەو کەسانەی دەستکاری پێوەری زیرەکی کارەبای گەڕەکان دەکەن، 5 كه‌س ده‌ستگیركراون.

نه‌به‌ز عه‌بدولحه‌مید، قائیمقامی قه‌زای ناوه‌ندی هه‌ولێر رایگه‌یاند، بە فەرمانی ئومێد خۆشناو، پارێزگاری هەولێر، لەلایەن لێژنەکانی قائیمقامیەتی ناوەندی هەولێر و پۆلیسی شارەوانی، (5) کەس لەکاتی کارکردنیان و دەستکاریکردنی پێوەری زیرەکی کارەبا لەیەکێك لەگەڕەکانی شاری هەولێر دەستگیرکران.

ئاماژه‌ی به‌وه‌ش كرد، دوای دەستگیکردنیان و دەستبەسەرداگرتنی ئۆتۆمبێلەکەیان و ئەو کەلوپەلانەی کارەکەیان پێ ئەنجامدەدا، پەڕاوی لێکۆڵینەوەیان بۆ کراوە و رەوانەی دادگا دەکرێن، بۆ ئه‌وه‌ی به‌ پێی یاسا سزای خۆیان وه‌ربگرن.