سەرۆکی حکومەتی هەرێمی کوردستان لەگەڵ وەزیری بەرگری تورکیا کۆبووەوە
جەختیان لە گرنگی هەماهەنگیی نێوانیان لەپێناو سەقامگیری ئاشتی و ئاسایش لە ناوچەکە کرده‌وە
K24- هه‌ولێر:
ئێوارەی ئەمڕۆ هەینی، 18ی 2022 لە شاری میونشنی ئەڵمانیا، مەسرور بارزانی، سەرۆکی حكومەتی هەرێمی کوردستان لەگەڵ خلوسی ئاکار، وەزیری بەرگری تورکیا کۆبووەوە.
لە کۆبووەنەوەکەدا گفتوگۆ لەبارەی بارودۆخی عێراق و پەیوەندییەکانی هەرێمی کوردستان و تورکیا کرا.
هەردوولا جەختیان لە گرنگیی هەماهەنگیی نێوانیان لەپێناو سەقامگیری ئاشتی و ئاسایش لە ناوچەکە کرده‌وە.
پێشتریش، سه‌رۆكی حكومه‌تی هه‌رێمی كوردستان له‌گه‌ڵ هه‌ریه‌ك له ئه‌نتۆنیۆ گۆتێرێس، سكرتێری گشتیی نه‌ته‌وه یه‌كگرتووه‌كان، لۆرێنزۆ گویرینی، وەزیری بەرگری ئیتالیا کۆبووه‌وە.
ئه‌مڕۆ كۆنفرانسی میونشن ده‌ستی پێكرد و بڕیاره مه‌سرور بارزانی، سه‌رۆكی حكومه‌تی هه‌رێمی كوردستان له‌گه‌ڵ ژماره‌یه‌ك به‌رپرسی باڵای ئه‌وروپا و جیهان كۆببێته‌وه.
H.B
