فوئاد حوسێن: پێویستە وڵاتانی دراوسێ رێز لە سەروەری خاکی عێراق بگرن

K24 - هەولێر

لە کۆبوونەوەیدا، لەگەڵ وەزیری بەرگری تورکیا، وەزیری دەرەوەی عێراق رایگەیاند، پێویستە وڵاتانی دراوسێ رێز لە سەروەری خاکی عێراق بگرن.

فوئاد حوسێن، وەزیری دەرەوەی عێراق و خەلوسی ئاکار، وەزیری بەرگری تورکیا لە پەراوێزی کۆنفرانسی ئاسیاشی میونشن کۆبوونەوە.

لە کۆبوونەوەکەدا، فوئاد حوسێن، وەزیری دەرەوەی عێراق رایگەیاند، پێویستە وڵاتانی دراوسێ رێز لە سەروەری خاکی عێراق بگرن و سەقامگیری عێراق بنچینەی سەقامگیری ناوچەکەیە.

لای خۆیەوە، خەلوسی ئاکار، وەزیری بەرگری تورکیا رایگەیاند، گرنگە هەماهەنگی ئەمنیمان لەگەڵ عێراق هەبێت.

دوێنێ 18/2/2022، 58ـەمین کۆنفرانسی ئاسایشی میونشن بە بەشداری مەسرور بارزانی، سەرۆکی حکومەتی هەرێمی کوردستان دەستیپێکرد.