مه‌سرور بارزانی و سه‌رۆك وه‌زیرانی پۆڵه‌ندا دیدارێكیان سازكرد
مه‌سرور بارزانی: له‌گه‌ڵ سه‌رۆك وه‌زیرانی پۆڵه‌ندا له‌سه‌ر ئه‌وه رێككه‌وتین، كه له نزیكه‌وه له په‌یوه‌ندی به‌رده‌وامدا بین
K24- هه‌ولێر:
له په‌راوێزی كۆنفرانسی ئاسایش له میونشن، مه‌سرور بارزانی دیدارێكی له‌گه‌ڵ ماتیوش مۆراویسكی، سه‌رۆك وه‌زیرانی پۆڵه‌ندا سازكرد.
دوای دیداره‌كه‌ش، مه‌سرور بارزانی له تویتێكدا له هه‌ژماری تایبه‌تی خۆی له تۆڕی تویته‌ر نووسیویه‌تی: "به بینینی سه‌رۆك وه‌زیرانی پۆڵه‌ندا خۆشحاڵ بووم".
له تویته‌كه‌یدا سه‌رۆكی حكومه‌تی هه‌رێمی كوردستان نووسیویه‌تی: "دوای ئاڵوگۆڕی په‌یوه‌ندییه ته‌له‌فۆنییه‌كانمان له ساڵی رابردوو، ئه‌مڕۆ به بینینی ماتیوش مۆراویسكی، سه‌رۆك وه‌زیرانی پۆڵه‌ندا خۆشحاڵ بووم".
هه‌روه‌ها گوتی: "سه‌باره‌ت به پرسی ئه‌م دواییه‌ی كۆچبه‌ران، سوپاسی سه‌رۆك وه‌زیرانی پۆڵه‌ندام كرد و له‌سه‌ر ئه‌وه رێككه‌وتین، كه له نزیكه‌وه له په‌یوه‌ندی به‌رده‌وامدا بین".
I was glad to see Polish PM @MorawieckiM on the sidelines of #MSC2022 following our call and exchanges last year.
— Masrour Barzani (@masrour_barzani) February 19, 2022
I thanked him for his support with the recent migrant issue. We agreed to stay in close contact. pic.twitter.com/GGwIQmO1WH
H.B
