هێڵی گواستنەوەی غازی خارکێڤ تەقێندرایەوە
K24 - هەولێر
بۆردوومانەکانی رووسیا کۆمپانیاکانی نەوت و غازی ئۆکرانیاشی گرتەوە و هێڵی گواستنەوەی غازیش، لە شاری خارکێڤ تەقێندرایەوە.
ئاژانسی رۆیتەرز، لە زاری ناتالیا بالاسینۆفیچ، سەرۆکی شارەوانی ڤاسیلکیڤ، لە باشووری رۆژئاوای ئۆکرانیا بڵاویکردەوە، سوپای رووسیا، مووشەکبارانی کۆمپانیای نەوتی ناوچەکەی کردووە و ئاگری گرتووە، هێڵی گواستنەوەی غازیش، لە شاری خارکێڤ تەقێندرایەوە.
هاوکات شەڕ و بۆردوومان لە چەند بەرەیەک بەردەوامە. راوێژکارێکی ڤۆلۆدیمێر زیلینسکی سەرۆکی ئۆکرانیا رایگەیاند، نزیکەی سێ هەزار و 500 سەربازی رووسیا کوژراون.