گولـلە توپێکی تورکیا بەر ماڵی هاووڵاتییەکی سنووری ئامێدی کەوت

زیانی گیانی نەبووە

شوێنەواری ئەو ماڵەی گولـلە تۆپی بەرکەوتووە
شوێنەواری ئەو ماڵەی گولـلە تۆپی بەرکەوتووە

K24 - دهۆک

شەوی رابردوو گولـلە تۆپێکی سوپای تورکیا بەر ماڵی هاوڵاتییەکی گوندی هرۆرێ-ی سەر بە ناحیەی کانی ماسی کەوت و زیانی مادی زۆری لێکەوتەوە.

هاووڵاتییەکی دانیشتووی گوندەکە بەناو نزار ئەدیب بە کوردستان24ی راگەیاند: "گولـلە تۆپەکە بەر ماڵی (ئەمین هرۆری)  کەوتووە، خۆشبەختانە زیانی گیانی نەبووە، زیانی زۆر بەر ماڵەکە کەوتووە".

گوندی هرورێ دەکەوێتە سنووری ناحیەی کانی ماسی سەر بە قەزای ئامێدی، بەهۆی بوونی بنکە و بارەگاکانی پەکەکە لە ناوچە سنوورییەکان، چەندین جار گولـلە تۆپ و مووشەکی سوپای تورکیا بەر گوندەکە کەوتوون و زیانی بە هاووڵاتییان گەیاندووە.