شاندی مه‌ترانه‌كانی كلدانی و سریانی و ئاشووری دامەزراوەی کوردستان24 بەسەردەکەنەوە
پشتیوانی خۆیان بۆ پره‌نسیپی پێكه‌وه‌ژیان ده‌ربڕی كه كوردستان24 له كاره‌كانیدا په‌یڕه‌وی ده‌كات
K24 - هەولێر:
شاندێكی مه‌ترانی كلێساكانی كلدانی، سریانی و ئاشووری له هه‌رێمی كوردستان و كه‌ركووك و مووسڵ، سه‌ردانی دامه‌زراوه‌ی كوردستان24یان كرد و له نزیكه‌وه پشتیوانی خۆیان بۆ كاره‌كانی دامه‌زراوه‌كه و پاراستنی پره‌نسیپه‌كانی پێكه‌وه‌ژیان ده‌ربڕی، كه كوردستان24 وه‌ك پره‌نسیپێكی سه‌ره‌كی كاری له‌سه‌ر ده‌كات.
شاندی مەترانەکان بۆ بینینی ئەو زەرەر و زیانانەی هێرشە مووشەكییه‌کەی بەرەبەیانی 13ـی ئادار بە کوردستان24ـی گەیاند، سەردانی دامەزراوەکەیان کرد.
لە سەردانەکەدا تاوتوێی ئەزموونی پێکەوەژیانی ئاشتییانەی هەرێمی کوردستانیان کرد و ئاماژە بەوەش درا، کوردستان تاکە شوێنە لە عێراق و ناوچەکەدا، کە کریستیانەکان بە ئاشتی و ئارامی دەژین و مافەکانیان پارێزراوە.
شاندەکە پێکهاتبوون لە سيادەی مەتران مار بەشار مه‌تێ وەردا سەرۆکی ئەساقیفەی كلێسای کلدان لە هەولێر، سیادەی مەتران مار ناتنائێل نازار سەرۆکی ئەساقیفەی کەنیسەی سریانی کاتۆلیک لە هەرێمی کوردستان و کەرکووك، نیافەی مەتران مار نیقۆدێموس داود ماتی شەراف سەرۆکی تائیفەی سریانی ئارتۆدۆکس لە هەرێمی کوردستان ومووسل وکەرکووك، نیافەی مەتران مار ئەبرس یۆخەنا ئوسقوفی هەولێری كڵیسای رۆژهەڵاتی ئاشووری، ئانۆ جەوهەر وەزیری گواستنەوە و گەیاندن و نوێنەری پێکهاتەکانی ئاشووری کلدنی لە کابینەی نۆیەمی حکومەتی هەرێمی کوردستان.
