كازمی په‌یامێكی به‌ زمانی كوردی ئاراسته‌ی هه‌ڵه‌بجه‌ییه‌كان كرد

K24 - هەولێر:

ئه‌مڕۆ( 16ـی ئادار / مارسی 2022)،  34 ساڵ به‌سه‌ر كیمیابارانكردن و كۆمه‌ڵكوژیی شاری هه‌ڵه‌بجه‌ی تێده‌په‌ڕێت، مسته‌فا كازمی سه‌رۆك وه‌زیرانی عێراق تویتێكی به‌ زمانی كوردی بڵاوكرده‌وه‌، تێیدا هاتووه‌، "هەڵەبجەی شەهیدی دەستی ستەمكاری، بەڵگەیەكی زیندووە لەسەر خەباتی گەلەكەمان".

مسته‌فا كازمی، سه‌رۆك وه‌زیرانی عێراق له‌ هه‌ژماری تایبه‌تی خۆی له‌ تویته‌ر رایگه‌یاند، "هەڵەبجەی شەهیدی دەستی ستەمكاری، بەڵگەیەكی زیندووە لەسەر خەباتی گەلەكەمان بۆ بەهاكانی دادگەری و هێمای برایەتی عێراقییەكان و یەكێتی ریزەكانیانە".

كازمی راشیگه‌یاند، هەڵەبجە شایستەی تەواوكردنی رێكارەكانی گۆڕینیەتی بۆ پارێزگا وەك رێزلێنانێك لە قوربانییەكانی، هەوڵی بەدیهێنانی ئەوەش دەدەین.

هەڵەبجەی شەهیدی دەست ستەمكاری بەڵگەیەكی زیندووە لەسەر خەباتی گەلەكەمان بۆ بەهاكانی دادگەری و هێمای برایەتی عێراقییەكان و یەكێتی ڕیزەكانیانە.
هەڵەبجە شایستەی تەواوكردنی رێكارەكانی گۆڕینیەتی بۆ پارێزگا وەك ڕێزلێنانێك لە قوربانییەكانی، هەوڵی بەدیهێنانی ئەوەش دەدەین. pic.twitter.com/vF2obG3g6w

— Mustafa Al-Kadhimi مصطفى الكاظمي (@MAKadhimi) March 16, 2022