WFP له دۆخی كه‌مپه‌كانی هه‌رێمی كوردستان ده‌كۆڵێته‌وه
"گفتوگۆ لەباره‌ى رەوشی ئاوارە و پەنابەران كرا"
K24- هه‌ولێر:
پارێزگای هه‌ولێر رایده‌گه‌یه‌نێت، پێشوازی لەبه‌ڕێوه‌به‌رى نوسینگەى رێکخراوى خۆراكی جیهانی سه‌ر به نه‌ته‌وه‌یه‌كگرتووه‌كان WFP لە هەرێمى کوردستان و عێراق، کرا.
له راگه‌یه‌ندراوێكی پارێزگای هه‌ولێردا هاتووه، ئومێد خۆشناو، پارێزگاری هەولێر پێشوازی لە موئەیەد سەعید حەمیدى، به‌رێوه‌به‌رى نوسینگەى رێکخراوى خۆراکى جیهانى WFP لەهەرێمى کوردستان و عێراق کرد.
پارێزگای هه‌ولێر راشیگه‌یاند، لەدیدارەکەدا بەڕێوەبەری کۆچ و کۆچبەران و وەڵامدانەوەی قەیرانەکان EJCC له پارێزگاى هەولێر ئامادەیی بوو، گفتوگۆ لەباره‌ى رەوشی ئاوارە و پەنابەران، پێشکەشکردنی هاوکاری و پێداویستییه‌كان، هه‌روه‌ها چارەسەرکردنی کێشە و گرفتی کەمپەکان كرا.
