سهرۆكی ئۆكرانیا: پێویسته وڵاتانی ئەوروپی دوا وادەی خۆیان بۆ کڕینی نەوت و غازی رووسیا رابگەێنن
"شەڕی رووسیا ئەوروپای خستووهتە بەردەم پرسیارێکی ستراتیژی"
K24- ههولێر:
سەرۆکی ئۆکرانیا داوا دەکات، وڵاتانی ئەوروپی دوا وادەی خۆیان بۆ کڕینی نەوت و غازی رووسیا رابگەێنن، چونكه وهك دووپاتیكردهوه، تا ئهو كاتهی بازرگانی لەگەڵ رووسیا بکرێت و کۆمپانیا ئەوروپییەکان لە بازاڕەکانی رووسیا بمێننەوە، پوتن شەڕ راناگرێت.
ئهم داواكاریهی ڤۆلۆدیمێر زێلێنسکی، سەرۆکی ئۆکرانیا لە گوتارێکدا بۆ پەرلەمانی لیتوانیا هاتوون و رایگەیاند، "شەڕی رووسیا ئەوروپای خستە بەردەم پرسیارێکی ستراتیژی، کە ئایا لە دوای جەنگی جیهانی دووەمەوە یەکگرتوویی و پاراستنی بەهاکانیان لەناویاندا ماوە، یان ئەوروپا تەنیا وەك پێشانگەیەکی گەشتوگوزارییە و گەشتیاران سەردانی دەکەن؟".
زێلێنسكی گوتی: رووسیا لۆژیکێکی هەیە، کە پێیوایە هەمووان لە ئەوروپا پێویستیان بە بازرگانییە، پێویستیان بە نەوت و غازە، هەمووان پێویستییان بە بازاڕی رووسیایە و پێویستییان بەوەیە، خاکی رووسیا بۆ گواستنەوەی کەلوپەکانیان بەکاربهێنن".
جهختیشیكردهوه، "نابێ کۆمپانیاکان چاوەڕێ بکەن بزانن رووسیا چ هەنگاوێکی دیکە دەنێت، دەبێت لەئێستاوە بڕیار بدەن و لە بازاڕەکانی رووسیا بکشێنەوە، چونکە بەو شێوەی ئێستا هەیە، رووسیا هەڵسوکەوتی خۆی ناگۆڕێت".
زێلێنسكی دووپاتیكردهوه، "پێویستیمان بەوەیە و چاوەرێی ئەوەش دەکەین، کە پاکێجی شەشەمی سزاکانی سەر رووسیا زۆر توند بن و کەرتی نەوت و غازی ئەو وڵاتە بگرێتەوە. دەمانەوێت وڵاتانی ئەوروپی دوا وادەی خۆیان بۆ بەکارهێنانی وزەی رووسیا رابگەێنن. ئەمە تاکە رێگەیە، بۆ ئەوەی رووسیا لهوه تێبگات، كه شەڕ کارەساتە بۆ هەمووان و دەبێ شەڕ رابگیرێت".
ئهم گوتانهی زێلێنسكی دوای ئهوه هاتوون، ههر ئهمڕۆ ڤلادیمێر پوتن، سهرۆكی رووسیا جهختی كردهوه، تا ئامانج و مهرامه دیاریكراوهكانیان له ئۆكرانیا نهپێكن، دهست له كرده سهربازییهكهیان لهو وڵاته ههڵناگرن.
H.B