ئۆتۆمبێلێك وه‌رگه‌ڕا شوفێره‌كه گیانی له‌ده‌ستدا
ببینه ئۆتۆمبێله‌كه چی به‌سه‌ر هاتووه
K24 – هه‌ولێر:
به‌ڕێوه‌به‌رایه‌تی هاتووچۆی كۆیه ئاشكرای ده‌كات، به‌هۆی رووداوێكی هاتووچۆ له رێگه‌ی نێوان كۆیه و دوكان، ئۆتۆمبێلێك وه‌رده‌گه‌ڕێت و شۆفێره‌كه‌ی گیانی له‌ده‌ستدا.
هاتووچۆی كۆیه راگه‌یه‌ندراوێكی بڵاوكرده‌وه، تێیدا هاتووه، له رێگه‌ی نێوان كۆیه و دوكان نزیك گوندی "هه‌واوان" ئۆتۆمبێلێكی جۆری (كیا سۆرینتۆ) كۆنتڕۆڵی له‌ده‌ستده‌دات و وه‌رده‌گه‌ڕێت.
هاتووچۆی كۆیه روونیكرده‌وه، به‌هۆی ئه‌م رووداوه، هاووڵاتییه‌ك كه شوفێری ئۆتۆمبێله‌كه بوو به ناوی میدیا عه‌بدولره‌حیم گیانی له‌ده‌ستدا و دوو سه‌رنشینیش كه منداڵی شۆفێره‌كه‌ن، بریندار بوون.
