مه‌سرور بارزانی: پابەندبوونی حکومەتی هەرێم بە قووڵکردنەوەی کولتووری بەیەکەوەژیان دووپات دەکەینەوە
پەیامی پیرۆزبایی سەرۆکی حکومەتی هەریمی کوردستان بەبۆنەی جەژنی هەستانەوە ( قیامە)
K24 - هەولێر:
به‌بۆنه‌ی هاتنی جه‌ژنی هه‌ستانه‌وه (قیامه)، مه‌سرور بارزانی، سه‌رۆكی حكومه‌تی هه‌رێمی كوردستان په‌یامێكی پیرۆزبایی ئاراسته‌ی كریستیانه‌كانی هه‌رێمی كوردستان و عێراق ده‌كات، تێیدا رایگه‌یاند، "لەم بۆنەیەدا پابەندبوونی حکومەتی هەرێمی کوردستان بە قووڵکردنەوەی زیاتری کولتووری بەیەکەوەژیان و لێبووردەیی و ئازادی ئایینی لە هه‌رێمی كوردستان دووپات دەکەینەوە".
ده‌قی په‌یامه‌كه:
بەبۆنەی هاتنی جەژنی هەستانەوە (قیامە)، گەرمترین پیرۆزبایی لە سەرجەم خوشک و برایانی کریستیان لە کوردستان و عێراق و جیهان دەکەم.
هیوادارم ئەم جەژنە، ببێتە مایەی خۆشی و تەبایی زیاتر لە نێوان گشت پێکهاتەکانی کوردستان و عێراق.
لەم بۆنەیەدا پابەندبوونی حکومەتی هەرێمی کوردستان بە قووڵکردنەوەی زیاتری کولتووری بەیەکەوەژیان و لێبووردەیی و ئازادی ئایینی لە هه‌رێمی كوردستان دووپات دەکەینەوە.
جەژنتان پیرۆز بێت و هەمیشە لە خۆشی و ئارامیدا بن.
مەسرور بارزانی
سەرۆکی حکومەتی هەرێمی کوردستان