لیژنەی وزە و سامانەسرووشتییەكان لەگەڵ وەزیری سامانە سرووشتییەكان كۆدەبنەوە
بۆ بەدواداچوون لەبارەی نرخی بەنزین و كوالیتییه‌كه‌ی ده‌كرێت
K24 - هه‌ولێر:
لیژنەی وزە و سامانە سرووشتییەكان له په‌رله‌مانی كوردستان ئه‌مڕۆ یەكشەممە (19ی حوزه‌یران/ یۆنیۆی 2022) لەگەڵ كه‌مال محه‌مه‌د، وەزیری سامانە سرووشتییەكان به وه‌كاله‌ت كۆدەبنەوە، بۆ گفتوگۆكردن لەبارەی نرخی بەنزین و كوالیتییەكەی.
به گوێره‌ی زانیارییه‌كانی پەیامنێری كوردستان24، لیژنەی وزە و سامانە سرووشتییەكان لە چوارچێوەی ھەوڵەكانی بۆ ئامادەكردنی راپۆرت لەبارەی بەرزبونەوەی نرخی بەنزین و كوالیتییەكەی بۆ ئەوەی لە دانیشتنێكی پەرلەمان گفتوگۆی لەسەر بكەن، لەگەڵ وەزیری سامانە سرووشتییەكان كۆدەبنەوە.
بڕیاره گفتوگۆ لەبارەی گرانی نرخی بەنزین و خراپی كوالیتیەكەی بكەن و لەبارەی بەدواداچوون لە بارەی بەنزینی 800 دیناریەكەش بكەن.
دوای كۆبونەوەكەیان لەگەڵ كه‌مال محه‌مه‌د، لیژنه‌ی وزه و سامانه سرووشتییه‌كان بڕیاره راپۆرتێك ئامادەبكەن، تا له دانیشتنی تایبه‌ت بە ئامادەبوونی وەزیری سامانە سرووشتییەكان له پەرلەمان، گفتوگۆ له‌سه‌ر گرانی و كوالیتی بەنزین بكرێت.
