كازمی: ئاگری فیتنه هه‌موومان ده‌سووتێنێت
K24 – هه‌ولێر:
مسته‌فا كازمی، سه‌رۆكی حكومه‌تی عێراقی ئیتیحادی له په‌یامێكدا، كه ئاراسته‌ی خه‌ڵك و لایه‌نه سیاسییه‌كانی عێراقی كرد، داوایكرد، لایه‌نه‌كان له‌سه‌ر مێزێك كۆببنه‌وه و خۆیان له زمانی په‌راوێزخستن و تۆمه‌تبه‌خشینه‌وه بپارێزن.
له په‌یامه‌كه‌یدا، مسته‌فا كازمی داوایشی كرد، هه‌موو لایه‌ك ئارامی بپارێزن و دان به خۆیاندا بگرن و به زمانی ئه‌قڵ و لۆژیك مامه‌ڵه بكه‌ن و دانه‌به‌زنه ئاستی پێكدادان.
هه‌روه‌ها داوایشی كرد، هاووڵاتیان خۆیان له رووبه‌ڕووبوونه‌وه‌ی هێزه ئه‌منییه‌كان بپارێزن.
له به‌شێكی دیكه‌ی په‌یامه‌كه‌یدا، مسته‌فا كازمی وێڕای جه‌ختكردنه‌وه له‌سه‌ر گرتنه ئه‌ستۆی هه‌ر به‌رپرسیارێتییه‌ك بۆ چاره‌سه‌ركردنی ره‌وشه‌كه وتی: پێویسته هه‌موو لایه‌ك بزانن، ئاگری فیتنه هه‌مووان ده‌سووتێنێت.