ئۆپراسیۆنه‌كانی به‌غدا هۆشداری ده‌دات
پێویسته هێزه ئه‌منییه‌كان سه‌رجه‌م فه‌رمانگه‌كانی ده‌وڵه‌ت بپارێزن
K24 – هه‌ولێر:
فه‌رمانده‌ی فه‌رمانده‌یی ئۆپراسیۆنه‌كانی به‌غدا، فه‌ریق ركن ئه‌حمه‌د سه‌لیم، فه‌رمانێكی به‌سه‌ر هێزه ئه‌منییه‌كاندا گشتاند.
له فه‌رمانه‌كه‌یدا، فه‌رمانده‌ی فه‌رمانده‌یی ئۆپراسیۆنه‌كانی به‌غدا رایگه‌یاندووه، پێویسته هێزه ئه‌منییه‌كان سه‌رجه‌م فه‌رمانگه‌كانی ده‌وڵه‌ت بپارێزن و رێگری بكه‌ن له‌وه‌ی خۆپیشانده‌ران زیان به موڵك و ماڵی گشتیی به تایبه‌تی فه‌رمانگه و بانكه‌كان بگه‌یه‌نن.
هاوكات داوایشی كرد، خۆپیشانده‌ران به په‌له له ناوچه‌ی سه‌وزی به‌غدا بكشێنه‌وه و پابه‌ند بن به بڕیاره ئه‌منییه‌كانه‌وه و خۆیان له رووبه‌ڕووبوونه‌وه‌ی هێزه ئه‌منییه‌كان به‌دوور بگرن و رێگه له رشتنی خوێنی هاووڵاتیان بگرن.
