سه‌رۆك بارزانی په‌یامێكی سه‌ره‌خۆشی ئاراسته‌ی سەنعان قەساب ده‌كات
K24 – هه‌ولێر:
سه‌رۆك بارزانی په‌یامێكی سه‌ره‌خۆشی ئاراسته‌ی سەنعان قەساب ئاغا ده‌كات به‌هۆی كۆچی دوایی هاوژینه‌كه‌یه‌وه.
ئه‌مڕۆ سێشه‌ممه (6ـی كانوونی یه‌كه‌م/دیسێمبه‌ری 2022)، سه‌رۆك مه‌سعود بارزانی پەیامێكی سەرەخۆشی ئاراسته‌ی سەنعان قەساب ئاغا كرد، به‌هۆی كۆچی دوایی (فائیزە عەبدولجەبار)ـی هاوژینییه‌وه.
ده‌قی په‌یامه‌كه‌ی سه‌رۆك بارزانی:
بەناوی خودای مەزن و دلۆڤان
برای بەڕێز كاك سەنعان قەساب ئاغا
بەداخێكی زۆرەوە هەواڵی كۆچی دوایی هاوژینی بەڕێزتان، خاتوو (فائیزە عەبدولجەبار)مان پێگەیشت.
پرسە و سەرەخۆشی خۆم ئاڕاستەی بەڕێزتان و خانەوادە و کەسوکارتان دەكەم و خۆم بە هاوبەشی خەمتان دەزانم.
لە خودای گەورە داواكارم رۆحی هاوژینی خوالێخۆشبووتان بە بەهەشتی بەرینی شاد بكات و سەبر و ئارامی بە هەموو لایەك ببەخشێت.
انا للە و انا الیه راجعون
مسعود بارزانی
6ی كانوونی یەكەمی 2022
