وێنه‌: ته‌قینه‌وه‌كه‌ی كه‌ڕاده‌ عێراقییه‌كانی یه‌كخستووه‌

K24 – هه‌ولێر:

ته‌قینه‌وه‌كه‌ی كه‌ڕاده‌ی به‌غدا، له‌ پاش ساڵی 2003 وه‌ به‌ خوێناویترین ته‌قینه‌وه‌ی تیرۆریستی داده‌نرێت، كه‌ هاوڵاتیانی سڤیلی كردووه‌ته‌ ئامانج.

چیرۆكی ئه‌وانه‌ی له‌ نێو بازاڕ و شیرینی خه‌ودا له‌ ناو ماڵه‌كانیاندا بوون به‌ خه‌ڵوز، عێراقییه‌كانی تاساندووه‌، هه‌ندێكیان ته‌نها ئه‌وه‌نده‌یان له‌ كه‌سوكاره‌كانیان بۆ ماوه‌ته‌وه‌، كه‌ ده‌زانن كاتی ته‌قینه‌وه‌كه‌ له‌و ناوچه‌یه‌دا بوون.

هه‌ندێك له‌وانه‌ش مۆمێك له‌ ته‌نیشت په‌ڵه‌ خوێنكێك داده‌گیرسینن و پێیانووایه‌ خوێنی جه‌سته‌ی كوڕه‌كه‌ی ئه‌وانه‌.

چیرۆكه‌ تراژیدییه‌كانی كه‌ڕاده‌ هێنده‌ زۆر و كاره‌ساتبارن، عێراقییه‌كانی پێكه‌وه‌ پرسه‌بار كردووه‌، و ڕووداوێكه‌ كه‌ زۆربه‌ی پێكهاته‌كانی له‌م بۆنه‌ خه‌مناكه‌دا یه‌كخستووه‌.

ئه‌م وێنان به‌شێكن له‌و ماته‌مه‌ی عێراقییه‌كان له‌ ناوه‌وه‌ و ده‌ره‌وه‌ی وڵاته‌كه‌یاندا ده‌یگێرن.

له‌ ته‌قینه‌وه‌كه‌دا زیاتر له‌ "200" كه‌سی سڤیل كوژران و زیاتر له‌ 250 كه‌سی دیكه‌ش بریندار بوون.