دوو بوومه‌له‌رزه شاره‌كانی ئورمییه و مه‌ڕه‌شی هه‌ژاند
K24 - هەولێر:
ناوه‌ندی بوومه‌له‌رزه‌زانی ئه‌وروپا بڵاویكرده‌وه، بوومه‌له‌رزه‌یه‌ك به گوڕی 5.4 پله‌ی رێكخته‌ر پارێزگای ورمێ-ی رۆژهه‌ڵاتی كوردستانی هه‌ژاندووه، كه هاوسنووره له‌گه‌ڵ باكووری كوردستان و تاكو زیانه ماددی و گیانییه‌كان نه‌زانراون.
له‌هه‌مانكاتدا، ناوه‌ندی بوومه‌له‌رزه‌زانی ئه‌وروپا، راشیگه‌یاند، بوومه‌له‌رزه‌یه‌ك به گوڕی 4.9 ناوچه‌ی مه‌ڕه‌ش-ی توركیای هه‌ژاندووه.
هه‌روه‌ها ئاماژه به‌وه‌شكراوه، بوومه‌له‌رزه‌كه‌ی توركیا كاتژمێر 3:39 خوله‌كی به‌ره‌به‌یان روویداوه.
لە 6ی شوباتدا دوو بوومەلەرزەی به‌هێز بە گوڕی 7.7 و 7.6 باكووری كوردستان و تورکیا هه‌روه‌ها رۆژئاوای كوردستان و سووریای هه‌ژاند، بووه هۆی گیانله‌ده‌ستدانی 50 هه‌زار كه‌س و به‌ده‌یان هه‌زاری تریش برینداربوون.