سێ پارکی گشتی لە پارێزگای دهۆک دروست دەکرێن
K24 - دهۆک:
پارێزگای دهۆک رایده‌گه‌یه‌نێت، سێ پارکی گشتی لەو پارێزگایه و قەزای سێمێل دروست دەکرێن.
لە میانەی راگەیەندراوێکی پارێزگای دهۆک ئاماژە بەوەکراوە، ئەمڕۆ (چوارشەممە 29ی ئادار / مارسی 2023)، لەبارەی دروستکردنی سێ پارکی گشتی له سنووری پارێزگای دهۆک، عەلی تەتەر پارێزگاری ئەو شارە سەرپەرشتی کۆبوونەوەیەکی کرد و تێیدا بڕیاردرا دەست بە دروستکردنی هەر سێ پارکەکە بکرێت کە بریتین لە:
- پارکی گشتی لە ناوچەی ئالۆکا له پارێزگای دهۆك
- پارکی گشتی لەناو قەزای سێمێل
- پارکی گشتی لە شوێنی ناوچەی پیشەسازی ئۆتۆمبێل لە پارێزگای دهۆک.
پارێزگای دهۆک ئەوەشی خستووەتەڕوو، هەر سێ پرۆژە ستراتیژین، بە تایبەتی پارکی ئالۆکا كه بە چەند قۆناغێک دروستدەکرێت.