کەنەدا.. بەهۆی زریانی بەفرەوە یەک ملیۆن کەس بێ کارەبا بوون
K24 - هەولێر:
دەسەڵاتدارانی کەنەدا بڵاویانکردەوە، بەهۆی ئەو زریانە بەفرەی رووی لە وڵاتەکە کردووە، دوو کەس گیانیانلەدەستداوە و یەک ملیۆن کەسیش بێ کارەبا بوون.
دەسەڵاتدارانی کەنەدا باسیان لەوەشکردووە، زریانێکی بەفری جەمسەری، چەند رۆژێکە هەردوو هەرێمی کیوبیک و ئۆنتاریۆی كه‌نه‌دای گرتووەتەوە و بەهۆیەوە زیانێکی زۆر بەر ژێرخانی وزە و بەتایبەتی کارەبای وڵاتەکە کەوتووە.
ئاماژەیان بەوەشداوە، چاکردنەوەی کارەبا چەند رۆژێکی پێدەچێت، بەمەش رەنگە یەک ملیۆن کەنەدی مەراسیمی جەژنی قیامەی مەسیح لەتاریکیدا بگێڕن.
