ئه‌مڕۆ بە سپۆنسەری میدیایی کوردستان24 دیدارێکی تایبەت بە یادی 35 ساڵەی ئەنفال لە شاری هەولێر بەڕێوەدەچێت
K24 – هەولێر:
وەزارەتی کاروباری شەهیدان و ئەنفالکراوان لە راگەیاندراوێکدا لە یادی 35 ساڵەی شەهیدانی پڕۆسەکانی ئەنفالدا، جەخت لەسەر بەردوامی هەوڵەکان بۆ بەجینۆسایدناساندنی تاوانەکانی ئەنفال له ناوەندە جیهانی و نێودەوڵەتییەکان دەکاتەوە و رایدەگەیەنێت، بۆ بەرز و پیرۆز راگرتنی یادی شەهیدەكانمان لە مەرگەساتەكاندا و بە تایبەتیش یادی شەهیدانی ئەنفال، ئەمساڵ دیدارێکی گرنگ لە شاری هەولێر بە ئامادەبوونی پەرلەمانتارانی هەرێم و عێراق و ئەکادیمی و توێژەرانی بیانی و ناوخۆیی بەڕێوەدەچێت.
وەزارەتی کاروباری شەهیدان و ئەنفالکراوان جەخت لەسەر داواكاری کەسوکارى قوربانییان دەكاتەوە، بۆ ئەوەی حكومەتی فیدڕاڵی پرسی قەرەبووكردنەوەی زیانلێكەوتووانی دەستی رژێمی پێشوو دوانەخات.
