لە عێراق لێبووردنی تایبەت بۆ زیاتر لە سێ هەزار زیندانی دەرچوو

دیمەنی نێو زیندانییەکی عێراق
دیمەنی نێو زیندانییەکی عێراق

K24 - هەولێر:

بە مەرسومێکی سەرۆکایەتی عێراق لێبووردنێکی تایبەت بۆ زیاتر لە سێ هەزار زیندانی عێراق دەرچوو و ئازاد دەکرێن.

سەرۆکایەتی کۆماری عێراق بە مەرسومێکی فەرمی لێبووردنی تایبەتی بۆ سێ هەزار و 53 زیندانی دەرکرد و دوای ئەو مەرسومە زیندانییەکان ئازاد دەکرێن.

بەگوێرەی ئەو نووسراوەی لەلایەن وەزارەتی دادی عێراقەوە بڵاوکراوەتەوە و واژووی زیاد خەلیفە تەمیمی، بریکاری وەزارەتەکەی لەسەرە، مەرسومی سەرۆکایەتی کۆماری عێراق بۆ ئەو زیندانیانەیە کە لەنێوان ساڵانی 2007 بۆ 2022 لە زینداندا بوون.

نووسراوەکەی وەزارەتی دادی عێراق
نووسراوەکەی وەزارەتی دادی عێراق

 

لێبووردنی تایبەت بە فەرمانێکی کۆماری دەردەچێت و دەبێتە مایەی نەمانی گشت یان بەشێکی ئەو سزایەی کە بڕیاری کۆتایی لەسەر دراوە یان گۆڕینی ئەو سزایە بە سزایەکی سووکتر لەو سزایانەی کە لە یاسادا بڕیاردراوون .

لێبووردنی تایبەت نابێتە مایەی نەمانی سزاکانی پاشکۆیی و تەواوکاریی و شوێنەوارە سزاییەکانی تر و ئامادەکارییە خۆپارێزییەکان و کاریگەری لەسەر ئەو سزایانە نییە کە پێشترجێبەجێکراوون گشت ئەوەش ئەگەر لە دەقی فەرمانی کۆماری لێبووردن باسی جگە لەوەی نەکرا بێت .