سیاسی

سەرۆک بارزانی: بۆمبارانکردنی شاری قەڵادزێ و زانکۆی سلێمانی لاپەڕەیەكی تری دڕندەیی رژێمی بەعس بوو

کوردستان بۆردومان سەرۆک بارزانی قەڵادزێ زانکۆی سلێمانی

K24 – هەولێر

سەرۆک مەسعود بارزانی، لە یادی 49 ساڵەی بۆمبارانکردنی شاری قەڵادزێ و زانکۆی سلێمانی پەیامێکی لە تۆڕی کۆمەڵایەتی تویتەر بڵاوکردەوە و رایگەیاند: بۆمبارانکردنی شاری قەڵادزێ و زانکۆی سلێمانی لاپەڕەیەكی تری دڕندەیی رژێمی بەعس بوو.

لە پەیامی سەرۆک بارزانی هاتووە: "لە ساڵیادی بۆمبارانکردنی شاری قەڵادزێ و زانکۆی سلێمانی لە 24/4/1974 سڵاو لە گیانی پاکی شەهیدانی ئەو کارەساتە و هەموو شەهیدانی کوردستان. ئەو كارەساتە زوڵمێكی گەورە و لاپەڕەیەكی تری دڕندەیی ڕژێمی بەعس بوو بەرانبەر گەلی كوردستان. بەڵام هێز و ئیرادەی گەلی كوردستان لە فڕۆكە و ناپاڵم بەهێزتر بوو و دواجار ئیرادەی كوردستان بەسەر زوڵم و داگیركاریدا سەركەوت".

کوردستان24 دیجیتاڵ میدیا ,
Fly Erbil Advertisment