بەربژێرێکی هەڵبژاردنەکانی تایلەند دوو هەفتە پێش هەڵبژاردن منداڵەکەی لەدایکبوو
K24 - هەولێر:
پایتۆنگتارن شیناواترا، بەربژێرێكی هەڵبژاردنەکانی تایلەند ، دوو هەفتە پێش ئەوەی دەنگدەرانی وڵاتەکەی بچنە سەر سندووقی دەنگدان، منداڵێکی لەدایکبوو.
پایتۆنگتارن شیناواترا تەمەنی 36 ساڵە و بچووکترین کچی تاکسین شیناواترا، سەرۆکوەزیرانی پێشووتری تایلەند ە و ئەمڕۆ وێنەی منداڵە تازە لەدایکبووەکەی بڵاوکردەوە.
ئەو بەربژێرەی هەڵبژاردنەکانی تایلەند رایگەیاند، لە چەند رۆژی داهاتوودا قسە بۆ میدیاکان دەکات. ئەو ماوەیەک لەمەو پێش گەشتەکانی وەستاند و بە پەیوەندی ڤیدیۆیی بەشداری لە کەمپەینەکانی هەڵبژاردندا دەکرد.
رۆژنامەی زە گاردیانی بەریتانی لەوبارەیەوە بڵاویکردەوە، بەپێی راپرسییەکانی ئەم دواییە، پایتۆنگتارن لە پلەی یەکەم یان دووەمدایە لە هەڵبژاردنی دەنگدەران بۆ پۆستی سەرۆکوەزیرانی تایلەند ، ئەمەش بەهۆی ئەوەی خانەوادەکەی لەلای زۆرینەی گوندنشینانی باکوور و باکووری رۆژهەڵاتی وڵاتەکە، ناوبانگێکی زۆر باشیان هەیە.
ดีใจที่สุด! ขอแสดงความยินดีกับหลานอิ๊งค์และปอนะจ๊ะที่ในที่สุดก็ได้เห็นหน้าหลาน "ธาษิณ" แล้ว หลังจากรอคอยอุ้มท้องหาเสียงด้วยความอดทนมานาน ขอให้หลานมีสุขภาพกายที่แข็งแรงและจิตใจที่เข้มแข็งเหมือนแม่ และเชื่อว่าคุณตาคงอดใจรอจะอุ้มหลานไม่ไหว ส่วนอาก็รอวันที่จะได้อุ้มหลานนะ pic.twitter.com/N67GWNx8xI
— Yingluck Shinawatra (@PouYingluck) May 1, 2023