شاخه‌وان عه‌بدوڵڵا: سبه‌ی خوێندنه‌وه‌ی دووه‌م بۆ پڕۆژه یاسای به پارێزگابوونی هه‌ڵه‌بجه ده‌كرێت
K24 - هەولێر:
جێگری سه‌رۆكی په‌رله‌مانی عێراق رایده‌گه‌یه‌نێت، سبه‌ی خوێندنه‌وه‌ی دووه‌م بۆ پڕۆژه یاسای به پارێزگابوونی هه‌ڵه‌بجه ده‌كرێت.
شاخه‌وان عه‌بدوڵڵا جێگری سه‌رۆكی په‌رله‌مانی عێراق له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك نووسیوویه‌تی: "دوای نزیكه‌ی یه‌ك هه‌فته گفتوگۆكردن له‌گه‌ڵ هه‌ڤاڵانم له سه‌رۆكایه‌تی په‌رله‌مان، ره‌زامه‌ندی درا له‌سه‌ر پێشنیازی ئێمه بۆ خوێندنه‌وه‌ی دووه‌می پڕۆژه یاسای به‌پارێزگابوونی هه‌ڵه‌بجه و سبه‌ی ده‌خرێته به‌رنامه‌ی كار.
رۆژی (13ـی ئادار/مارسی 2023)، ئه‌نجوومه‌نی وه‌زیرانی عێراق رێكاره‌كانی به پارێزگاكردنی هه‌ڵه‌بجه‌ی ته‌واوكرد، پڕۆژه‌یاساكه‌ی په‌سه‌ندكرد و ره‌وانه‌ی په‌رله‌مانی عێراقی كرد بۆ ئه‌وه‌ی ببێته 19ـه‌مین پارێزگای عێراق.