رووسیا چەکی ئەتۆمی تاکتیکی لە بێلارووس جێگیر دەکات
K24 - هەولێر
رووسیا و بێلارووس رێککەوتنامەیەکیان لەسەر بڵاوکردنەوەی چەکی ئەتۆمی تاکتیکی لە بێلارووس واژۆ کرد.
ئەمڕۆ پێنجشەممە، 25ی ئایاری 2023، ئاژانسی هەواڵی رووسیا "تاس" بڵاویکردەوە، سێرگی شویگۆ وەزیری بەرگری رووسیا و ڤیکتۆر خرێنین، وەزیری بەرگری بێلارووس، رێککەوتنێکیان لەسەر جێگیرکردنی چەکی ئەتۆمی تاکتیکی رووسیا لە بێلارووس واژۆکرد.
ئاژانسەکە لە زاری شویگۆوە بڵاویکردووەتەوە، مۆسکۆ پارێزگاری لەسەر ئەو چەکانە و هەر بڕیارێک لەسەر بەکارهێنانیان دەکات.
رووسیا و بیلارووس کە دوو هاوپەیمانی نزیکن لەسەر ململانێی ئۆکرانیا، سەرەتای ئەمساڵ رێککەوتن لەسەر جێگیرکردنی بەشێک لە جبەخانەی تاکتیکی ئەتۆمی مۆسکۆ لە بیلاڕووس.
