هێمن هه‌ورامی: بە لێكدانەوەی نادروست بۆ دەقەكانی پەیڕەوی ناوخۆ، سەرۆكی پەرلەمان دانیشتنەكەی دواخست
K24 - هەولێر:
جێگری سه‌رۆكی په‌رله‌مانی كوردستان رایده‌گه‌یه‌نێت، مەكتەبی سیاسیی پارتی له مانگی كانوونی دووه‌می رابردوو، ئامادەیی خۆی بۆ ئەنجامدانی هەڵبژاردن بە شێوازی فرەبازنەیی 4 بازنەیی ده‌ربڕی. ده‌شڵێت: " سەرۆكی پەرلەمان بە خراپ بەكارهێنانی دەسەڵاتەكانی و لێكدانەوەی نادروست بۆ دەقەكانی پەیڕەوی ناوخۆ، دانیشتنه‌كه‌ی دواخست".
له‌هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك، هێمن هه‌ورامی جێگری سه‌رۆكی په‌رله‌مانی كوردستان نووسیوویه‌تی: "بۆ ئەوەی دانیشتنە نائاساییەكە بكرێت، تێگەیشتم كە سەرۆکی پەرلەمان ئۆکەی حزبەکەی لا نییە".
هێمن هه‌ورامی هه‌روه‌ها نووسیوویه‌تی: "سەرۆكی پەرلەمان بە خراپ بەكارهێنانی دەسەڵاتەكانی و لێكدانەوەی نادروست بۆ دەقەكانی پەیڕەوی ناوخۆ، دواخستنی دانیشتنەكەی راگەیاند و ئێمە بە ئەركی یاسایی و پەیڕەوی، كاری خۆمان كرد".
داواش ده‌كات، پێكەوە پەلە بكەین لە ئەنجامدانی دانیشتنی پەرلەمان بۆ هەمواركردنی هەشتەمی یاسای هەڵبژاردن.
https://www.youtube.com/watch?v=QEFs-x0jpcg
