هێرشکرایە سەر مۆسکۆ

K24 - هەولێر

لە رێگەی فڕۆکەی بێفڕۆکەوان هێرشکرایە سەر دوو باڵەخانەی نیشتەجێبوون لە مۆسکۆی پایتەختی رووسیا.

سەرۆکی شارەوانی مۆسکۆ رایگەیاند، بەرەبەیانی ئەمڕۆ سێشەممە 30/5/2023، لە رێگەی درۆنەوە هێرشکراوەتە سەر دوو باڵەخانەی نیشتەجێبوون لە شارەکەوە و بەهۆیەوە زیانیان بەرکەوتووە.

سێرگی سۆبیانین سەرۆکی شارەوانی مۆسکۆ راشیگەیاند، بەهۆی هێرشەکەوە زیان بە هەردوو باڵەخانەکە کەوتووە، بەڵام زیانی گیانی نەبووە.

باسی لەوەشکرد، درۆنەکان خۆیان بە نهۆمی سەرەوەی باڵەخانەکاندا کێشاوە و لەکاتی خۆکێشانیش بە باڵەخانەکان تەقیونەتەوە.

هاوکات، میدیاکانی رووسیا بڵاویانکردەوە، لە شەوی رابردووەوە بەرگری ئاسمانی رووسیا 10 درۆنی لە نزیک مۆسکۆ تێکشکاندووە.