کۆمسیۆنی عێراق ده‌رگای تۆماركردنی هاوپەیمانێتی نوێ و هێزه سیاسییه‌كان بۆ بەشداریکردن لە هەڵبژاردن ده‌كاته‌وه
K24 - هەولێر:
کۆمیسیۆنی باڵای سه‌ربه‌خۆی هه‌ڵبژاردنه‌كانی عێراق ده‌رگای تۆماركردنی هاوپه‌یمانێتی نوێ و هێزه سیاسییه‌كان بۆ بەشداریکردن لە هەڵبژاردنی ئه‌نجومه‌نی پارێزگاكان ده‌كاته‌وه.
كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق له راگه‌یه‌ندراوێكدا ئاشكرایكردووه، به‌مه‌به‌ستی تۆماركردنی ناوی هاوپه‌یمانێتی نوێ و هێزه سیاسییه‌كان بۆ به‌شدارییان هه‌ڵبژاردنی ئه‌نجومه‌نی پارێزگاكان له عێراق، له 1ی ته‌ممووز تاوه‌كو 30ی ته‌ممووزی ئه‌مساڵ ده‌رگای خۆتۆماركردن ده‌كرێته‌وه.
ئه‌مه له‌كاتێكدایه، پێشتر كۆمیسیۆنی باڵای سه‌ربه‌خۆی هه‌ڵبژاردنكانی عێراق داوای له هاووڵاتیان كردبوو سه‌ردانی بنكه‌كانی كۆمیسیۆن له‌سه‌رتاسه‌ری وڵات بكه‌ن بۆ نوێكردنه‌وه‌ی زانیارییه‌كان و وه‌رگرتنه‌وه‌ی كارته‌كانی ده‌نگدانیان.
