بەرپرسی ئاکپارتی لە دیاربەکر بۆ كوردستان24: گه‌شته ئاسمانییه‌كانی نێوان دیاربەکر و هەولێر ده‌ستپێده‌كاته‌وه
K24 - هەولێر:
به‌رپرسێكی ئاكپارتی رایده‌گه‌یه‌نێت، گه‌شته ئاسمانییه‌كانی نێوان دیاربەکر و هەولێر ده‌ستپێده‌كاته‌وه.
محەممەد شەریف ئایدن بەرپرسی لقی دیاربەکری ئاکپارتی، سەبارەت بە گەشتە ئاسمانییەکانی نێوان دیاربه‌كر و هەولێر بە کوردستان24ی راگەیاند، لەگەڵ هەرسێ پەرلەمانتارەکەی ئاکپارتی لە دیاربەکرەوە کۆبوونەوەیەکیان لەگەڵ عەبدولقادر ئورالۆغڵو وەزیری گواستنەوە و گەیاندن هەبووە و بەمنزیکانە دەستپێکردنەوەی گەشتە راستەوخۆکانی نێوان دیاربەکر و هەولێر بۆ مه‌به‌سته‌كانی بازرگانی و گه‌شتیاری رادەگەیەندرێت.
هەروەها راشیگەیاند، گەشتە راستەوخۆکانیش بۆ ستۆکهۆڵم و ڤیەننا دەستپێدەکات.
پێشتریش سەرۆکی یەکێتی هاوردە و هەناردەکارانی هەولێر به كوردستان24ـی راگه‌یاندبوو، ساڵی رابردوو قه‌باره‌ی بازرگانی نێوان هه‌رێمی كوردستان و توركیا گه‌یشته ئاستێكی باش، كه نزیكبووه‌ته‌وه له 12 ملیار دۆلار.
