بەهۆی وشکەساڵی کۆچکردنی جووتیاران لە گوند بۆ شارەکانی عێراق زیادیکردووە

K24 - هەولێر

وەزارەتی کۆچ و كۆچبه‌رانی عێراق رایده‌گه‌یه‌نێت، به‌هۆی وشکەساڵی و وشكهه‌ڵاتنی زەوییە کشتوکاڵییەکانه‌وه‌ دیارده‌ی كۆچكردن لە لادێکانەوە بۆ شار و پارێزگاكان سه‌ریهه‌ڵداوه، كه‌ تائێستا زیاتر لە حەوت هەزار جووتیار كۆچیان كردووه‌.

عه‌لی جیهاگیر گوته‌بێژی وه‌زاره‌تی كۆچ و كۆچبه‌رانی عێراق لە لێدوانێکی رۆژنامەوانیدا ئاشكرایكردووه‌، وەزارەته‌كه‌یان بە هاوکاری وەزارەتەکانی سەرچاوەکانی ئاو و کشتوکاڵ، هەوڵدەدات لیژنەیەکی تایبەتمەند پێکبهێنێت بۆ کەمکردنەوەی كاریگه‌رییه‌كانی ئەم دیاردەیە.

راشیگه‌یاندووه‌، به‌ پێشکەشکردنی پاڵپشتی بۆ جووتیاران و دۆزینەوەی میکانیزمێک، بۆ چارەسەرکردنی ئەم پرسە بە لێدانی بیر یان دەستەبەرکردنی حەوزی ئاو ده‌توانرێت رێگری له‌و كۆچه‌ ناچارییه‌ی لادێنشینه‌كان بكرێت.