سه‌در: تا گه‌نده‌ڵی هه‌بێت، عاشورا به‌رده‌وام ده‌بێت
K24 - هه‌ولێر:
رێبه‌ری ره‌وتی سه‌در رایده‌گه‌یه‌نێت، تا گه‌نده‌ڵی هه‌بێت، عاشورا به‌رده‌وام ده‌بێت.
له هه‌ژماری تایبه‌تی خۆی له تویته‌ر، موقته‌دا سه‌در رێبه‌ری ره‌وتی سه‌در نووسیوویه‌تی: تا گەندەڵی هەبێت عاشورا هەر بەردەوام دەبێت و وەک مەشخەڵێک لەدەروونی چاکە خوازاندا دەمێنێتەوە".
سه‌در هه‌روه‌ها نووسیوویه‌تی: "شۆرشی چاکسازی لەگەڵ هەر تەشەنەکردنێکی گەندەڵیدا، تازە دەبێتەوە".
عاشورا لەلای شیعەکان یادێکی کارەساتبارە، له رێگه‌ی رێوڕەسمێكی ئایینی تایبەت بە شیوەن و لەخۆدان یادی شەهیدکردنی ئیمامی حوسێنی کوڕی عەلی دەکەنەوە، لەو رۆژەدا لە ساڵی 61ـی کۆچی شەهیدکراوە.
— مقتدى السيد محمد الصدر (@Mu_AlSadr) July 22, 2023