برای رۆژنامه‌نووس ویدات حوسێن: چالاكوان و میدیاكان ئه‌ركی سه‌رشانی خێزانه‌كه‌مان قورس ده‌كه‌ن
K24 – هەولێر:
ماوەیه‌كه هەندێك لایەنی سیاسی بەناوی خانه‌واده‌ی رۆژنامەنووس ویدات حوسێن بۆ میدیاكانی ئۆپۆزسیۆن لێدوان دەدەن، له‌وباره‌یه‌وه خانه‌واده‌ی ئه‌و رۆژنامه‌نووسه ته‌واوی لێدوانه‌كان ره‌تده‌كه‌نه‌وه.
له لێدوانێكی رۆژنامه‌وانیدا كه كوردستان24یش ئاماده‌ی بوو، عه‌بدولڕه‌حمان حوسێن، برای رۆژنامه‌نووس ویدات حوسێن ده‌ڵێت: هیچ كه‌سێك نه‌هاتووه‌ته لامان بۆ ئه‌وه‌ی لێدوان وه‌ربگرن، تا‌كو به ناوی خانه‌واده‌كه‌مان قسه بكه‌ن و ئه‌وه‌ی ئه‌و چالاكوان و میدیاكان ده‌یكه‌ن، بارگرانی سه‌ر شانی خێزانه‌كه‌مان قورستر ده‌كه‌ن.
داواش ده‌كات، هیچ كه‌سێك ئه‌و كه‌یسه بۆ خودی كه‌سی خۆی به‌كار نه‌هێنێت، چونكه باری ئێمه قورسه و چه‌ند كه‌ناڵێك و سۆشیالمیدیایه‌ك باری ئێمه‌یان قورستركردووه.